للإطلاع على المقالة في اللغة العربية اضغط على المرجع التالي
Traducción. Versión orixinal en Al-Jazeera
Os unidos á solidariedade cos palestinos asediados na Faixa de Gaza desde 2007 dirixiron nove viaxes marítimas, catro delas puideron chegar e prohibíuse a entrada do resto.
Os barcos aos cales prohibiron a chegada a Gaza:
Barco Marwa (Libia):
As autoridades da ocupación israelí prohibiron a entrada do barco Marwa de Libia no día un de decembro de 2008, levaba 3000 toneladas de axuda humanitaria (alimentos e medicamentos). Este barco considérase o primeiro barco con axuda árabe que tentou chegar ata as praias de Gaza co obxectivo de finalizar o bloqueo.
O barco Id:
As autoridades israelís pecharon o porto de Yafa o 7 de decembro do 2008 para prohibir a saída do barco cara ás costas de Gaza, ademais de confiscar o cargamento de axuda sanitaria e agasallos para as nenas e nenos para festexar a festa do Id, entregado polos palestinos do 48.
O barco al-Karama (Dignidade):
O exército da ocupación prohibiu o 14 de xaneiro do 2009 a chegada do barco al-Karama ata as praias de Gaza. Al-Karama intentaba ir a Gaza mentres a faixa sufría unha invasión israelí, por outra banda, o barco foi atacado polas forzas da ocupación e os seus tripulantes foron encarcerados.
O barco dirixiu o movemento de Free Gaza do cal forman parte europeos, americanos e árabes, a súa sede está en Chipre.
O barco libanés da Fraternidade:
As forzas mariñas da ocupación israelí prohibiron o 2 de febreiro do 2009 a chegada deste barco ás praias de Gaza que levaba axuda do pobo libanés para os palestinos en Gaza.
As forzas israelís asaltaron o barco e atacaron os seus tripulantes, logo arrestáronos e conduciron o barco ata un porto israelí, Israel libertou os 8 libaneses que ían a bordo do barco despois dun arresto que durou 5 días.
O barco Alma Humana:
Varios botes militares israelís interceptaron o 30 de xuño do 2009 a chegada do barco que levaba axuda humanitaria de Chipre ata Gaza. No barco viaxaban 20 activistas políticos árabes e occidentais que pertencían ao movemento de Free Gaza.
As forzas israelís conduciron o barco ata un porto israelí despois de asaltalo e rexistralo.
Os barcos que foron capaces de chegar a Gaza:
Os dous barcos: Liberdade e Free Gaza
Estes dous barcos conseguiron chegar ás praias de Gaza o 23 de agosto do 2008, considerouse a primeira ruptura mariña do bloqueo israelí á Faixa de Gaza.
Os barcos levaron mais de 40 activistas de 17 países, saíron de Atenas pasando polo porto de Larnaca en Chipre antes de dirixirse a Gaza.
O barco Amal (Esperanza):
O barco Amal chegou á franxa de Gaza o 29 de outubro do 2008, levaba a bordo 27 activistas árabes, turcos e europeos, rompendo desta maneira o bloqueo imposto pola ocupación.
O barco, ao cal pertencían tripulantes de 10 países, levaba material sanitario e medicamentos, por outra banda, levaba médicos que puideron realizar intervencións cirúrxicas urxentes na faixa.
O barco al-Karama (Dignidade):
O barco al-Karama que pertenece ao movemento Free Gaza consiguiu o 8 de novembro do 2008 chegar ás praias de Gaza desde o porto de Larnaca en Chipre, levaba a bordo 22 persoas: parlamentarios europeos, xornalistas e activistas.
Unha das tripulantes do barco era a ministra de Cooperación Internacional británica durante o goberno de Tony Blair, Clare Short.
Barco al-Karama qatariyya (Dignidade Qatarí):
O barco chegou ao porto de Gaza o 20 de decembro do 2008 e levaba representantes de asociacións benéficas qatarís, algúns activistas estranxeiros e xornalistas, e unha tonelada de medicamentos e material sanitario.
O pasado mércores 18 Juani Rishmawi nos ofreceo toda-la sua experiencia en Palestina, e unha testimuña de primeira man sobre o que aconteceo verdadeiramente en tanto na franxa de Gaza como en Cirsjordania, durante os últimos bombardeos de Israel.
GALIZA CON PALESTINA
NON AO MASACRE!
ALAMEDA DE SANTIAGO DE COMPOSTELA
DOMINGO, DÍA 18 DE XANEIRO, ÁS 12:00 HORAS
A actual intervención do exército israelí na franxa de Gaza non é máis que a continuación da política de exterminio do pobo palestino que o sionismo ven practicando dende que logrou que o peor imperialismo europeo e norteamericano inventara o Estado de Israel. Estamos, unha vez máis, diante dun episodio de violencia indiscriminada e bárbara, unha auténtica matanza, contra a poboación civil, e contra as súas organizacións de resistencia.
Esta non é unha guerra, non existen exércitos enfrontados, nin igualdade de forzas. Esta é unha agresión militar por parte dun estado IMPERIALISTA, armado e financiado por Norteamérica e Europa, que conta cun poderosísimo exército e ataca por terra, mar e aire a un pobo sen máis defensa que o heroísmo e sacrificio dos seus mal armados milicianos, e que nin sequera ten a posibilidade de fuxir.
Os verdugos teñen nome coñecido e as vítimas tamén, cóntanse por milleiros, entre as mortes e as persoas feridas. A vulneración dos dereitos humanos, a violación sistemática da legalidade internacional, dos acordos de paz e das resolucións das Nacións Unidas teñen un nome inequívoco, o Estado Sionista de Israel.
Trátase, xa que logo, dun auténtico masacre, sen escrúpulo moral algún, sen respecto pola poboación máis indefensa, as persoas anciáns, nenas e nenos, mesmo cooperantes internacionais. Tampouco respectan nin as mesquitas, hospitais ou mesmo escolas, as escolas das Nacións Unidas, con identificación oficial, con coordenadas coñecidas e transmitidas, onde estaban refuxiados do horror centos de cativas e cativos palestinos. O sionismo non coñece límites.
O exército e o goberno israelís, sabémolo ben, son expertos tamén na ocultación da verdade, contan con axentes moi poderosos. Resulta escandaloso que manifesten que as accións militares actuais son resposta ao lanzamento de foguetes caseiros desde Gaza. Menten coma sempre!!! ¿non sabemos que Israel rompe as treguas sistematicamente? ¿acaso non coñecemos a política de asasinatos selectivos das persoas dirixentes palestinas, practicada por Israel nos últimos anos? ¿De destrución das vivendas e das súas familias?
Xa coñecemos que tipo de loita é, balas contra pedras, tanques e mísiles contra a poboación civil, ocupación militar dos territorios palestinos, máis colonizacións fronte dos acordos de paz.
Son centos e milleiros : as palestinas e os palestinos asasinados; as presas e os presos; as torturadas e os torturados nas cadeas israelís; as mortes como consecuencia do bloqueo, as persoas que a diario son vexadas e inspeccionadas.
En ningún caso a morte de civís está xustificada, nin a violación sistemática dos dereitos humanos, nin a ocupación militar dos territorios palestinos, nin a vulneración permanente das resolucións das Nacións Unidas. O estado de Israel non ten credibilidade algunha.É probablemente o estado do mundo que máis ten violentado a legalidade internacional, negado unha solución política a un conflito que se dilata inxustificadamente no tempo. Cada vez quedan menos persoas no mundo que poidan crer as mentiras israelís. Indigna pensar que a brutal ofensiva militar israelí actual teña que ver coa súa propia axenda electoral. Traficar mortes por votos fai que abominemos aínda máis do sionismo e das súas prácticas.
Esiximos das institucións da comunidade internacional, da UE e do Estado Español que obriguen a Israel a deter o masacre, a cesar inmediatamente todos os ataques e bombardeos sobre os territorios e a poboación palestina, a propiciar un alto o fogo inmediato e a levantar o bloqueo de Gaza abrindo todos os pasos internacionais para que poida chegar axuda urxente aos homes e mulleres da castigada Franxa de Gaza.
O pobo galego está co pobo palestino, apoia e recoñece o seu dereito á existencia e a ter un estado propio, a elixir libremente a súa representación e que esta sexa recoñecida pola comunidade internacional, incluído Hamás, e finalmente, apoia o regreso das persoas palestinas refuxiadas aos seus fogares.
O estado español, a UE, a comunidade internacional no seu conxunto, ata agora cómplices do sionismo ou pasivos ante a traxedia palestina, teñen a obriga moral e política de impoñer a Israel o respecto escrupuloso polas resolucións de Nacións Unidas, con toda firmeza, con medidas de boicot comercial, con ruptura inmediata das relacións diplomáticas e coa expulsión da embaixada sionista. Desde logo, non podemos seguir a tolerar que Israel ocupe territorios, masacre á poboación civil palestina; non podemos tolerar que se siga comprando e vendendo armas aos sionistas como está a facer España e outros estados que se sentan no Consello de Seguridade da ONU.
Galiza enteira reclama a persecución xurídica nos tribunais internacionais dos criminais israelís, civís e militares, responsables desta matanza indiscriminada, un auténtico crime contra da humanidade.
E esiximos ademais:
· Que se impulsen políticas activas de solidariedade en favor de Palestina.
· Que a Xunta de Galicia se pronuncie contra Israel e a favor do pobo palestino.
· Que se declaren a embaixada e o Goberno Israelí non gratos en todo o territorio galego no seu conxunto; e concello por concello.
· E que os medios de comunicación e a prensa internacional informen con imparcialidade e non a favor do sionismo .
¡ALTO A AGRESIÓN!
¡VIVA O POBO PALESTINO!
¡VIVA PALESTINA!
ننادي الشعب الغاليسي لإعلان رفضه للهجوم ضد الشعب الفلسطيني و إعلان تضامنه الكلي و دعمه للقضية الفلسطينية بسبب الحالة الحرجة التي مازال يعانيها الشعب الفلسطيني
ننادي هؤلاء الذين يرفضون جرائم الحرب و يطالبون بوقف إطلاق النار في قطاع غزة لحضور مظاهرة يوم الأحد الموافق 18 من شهر كانون الثاني ، الساعة 12:00 ظهرا في ساحة ألاميدا في مدينة سانتياغو دي كومبوستيلا
الرجاء نشر هذا النشاط التضامني
