2 dic. 2007

Galiza por Palestina lémbrase de Vilaboa

04/04/2006 . Galiza por Palestina de Pontevedra xa manifestou a súa solidariedade co colectivo marroquí de Pontevedra, no ollo público tras o acontecido en Vilaboa, onde un grupo de veciños pediu "a redución" do número de inmigrantes no barrio de Paredes por consideralo excesivo. Juani Rismawi, a coordenadora da Unión de Comités de Traballo para a Saúde en Cisxordania, está en Pontevedra, onde o mércores falará de Saúde e vida cotiá na Galería Sargadelos.

"Galiza por Palestina de Pontevedra fai publica a súa solidariedade co colectivo marroquí de Pontevedra e en especial en Vilaboa, ante os ataques xenófobos que potencian as situacións xa presentes de exclusión, precariedade e pobreza nesta comunidade. Asemade lembramos a solidariedade demostrada no pasado por este colectivo contra a guerra de Iraq, participando en actos contra a guerra e contra as bombas en Madrid. Rexeitamos as demandas de control policial do censo e control dos alugueres ante unha poboación con poucos recursos para acceder a unha vivenda e lembramos e apoiamos as declaracións de Mustafa El Abboubi cando demandan programas de integración dende a igualdade".De Vilaboa terá tamén que falar Juani Rishmawi, madrileña e palestina de adopción desde 1984. Rishmawi viviu en Gaza e na actualidade en Beit Sahour (en Cisxordania) co seu compañeiro e os seus dous fillos. É coordenadora da Unión de Comités de Traballo para a Saúde, en Cisxordania (Union of Health Work Committeee, UHWC). Como sabedes, a oenegé que enche desde 1985 o baleiro existente no campo da atención sanitaria entre a poboación palestina que vive nos territorios ocupados por Israel.Adxuntámosvos o programa da xira galega de Rishmawi.